Psa 148 | Ndebele | STEP | Dumisani iN kosi ! Dumisani iN kosi lisemazulwini , idumiseni endaweni eziphezulu .

Psalms 148

Izidalwa zonke kazidumise iNkosi

1 Dumisani iNkosi! Dumisani iNkosi lisemazulwini ^a, idumiseni endaweni eziphezulu ^b. 2 Idumiseni lonke zingilosi zayo ^c. Idumiseni lonke mabandla ayo ^d. 3 Idumiseni langa lenyanga. Idumiseni lonke zinkanyezi ezikhanyayo. 4 Idumiseni mazulu amazulu ^e, lani manzi aphezu kwamazulu ^f. 5 Kakudumise ibizo leNkosi ^g; ngoba yona yalaya, kwasekudalwa ^h. 6 Yakumisa kuze kube nini lanini ⁱ; yakhupha isimiso esingayikwedlula ^j.

7 Dumisani iNkosi lisemhlabeni ^k, migobho yolwandle, lani zinziki zonke ^l, 8 mlilo ^m lesiqhotho, liqhwa elikhithikileyo lenkungu ⁿ, siphepho ^o esenza ilizwi layo ^p; 9 zintaba lamaqaqa wonke ^q, zihlahla zezithelo ^{r
,} ^s lemisedari yonke, 10 zinyamazana zeganga ^t lezifuyo zonke ^u, zinto ezihuquzelayo lenyoni eziphaphayo ^{▼▼ eziphaphayo: Heb ezilempiko.}. 11 Makhosi omhlaba, lani zizwe zonke, ziphathamandla, lani babusi bomhlaba ^w, 12 majaha, lani-ke zintombi, maxhegu labatsha ^x. 13 Kabadumise ibizo leNkosi ^y, ngoba ibizo layo lodwa liphakeme ^z; ubukhosi bayo buphezu komhlaba lamazulu ^aa. 14 Njalo iphakamisile uphondo lwabantu bayo ^ab, indumiso yabo bonke ^ac abangcwele bayo ^ad, eyabantwana bakoIsrayeli, abantu abaseduze layo ^ae. Dumisani iNkosi ^af!